Constitutiziun da Fiôvâ
 |
This page is maintained under the authority of the Fiôvâ Provincial Chancery. Make no unauthorized changes. |
WHAT'S GOING ON IN THE PROVINCE AND PENDING ACTS IN THE GENERAL ASSEMBLY
| Act | Status | Argument | Threads | ||||
|---|---|---|---|---|---|---|---|
| Discussion | Proposal | Amendment | FINAL VOTE | ||||
| This law is currently IN FORCE |
Sponsored by: {{{sponsor}}} |
Approved by:  Constituent Assembly
|
 9 —  0 —  0
|
| Date: 21 May 2012/XXXIII |
Fiôvâ Provincial Chancery |
English Version
Q'ESTADRA ENACTESCU par els popuis da Fiôvâ in lor Aßemblátx Constitutînd,
és actînd in las tradiziuns miglhôrs dal democraçù és del repúblicánísmeu Talossán,
qe el sovînd costitua la Constituziun pr'iensâ nouâ Provînçù in el Regipäts Talossán:
Article I — [Nóminâ és teritôriâ]
1.1
La nómina dal Provînçù isch la Provînçù Liveradâ da Fiôvâ, eda in l'Angleascâ, the Free Province of Fiôvâ.
1.2
La teritôriâ dal Provînçù qomsista douâ cantôns in Talossa del sudur-ovest, cün el Manáweg come la grentzâ oçizentál es midziuál, nominats (del nordur àl sudur) el Cantôn Cüféir es Las Înaltàns Maxhéstici (LIM). Las grentzâs preciadâs serent acestilor qi sînt seþadâs par el Ziu.
1.3
El capital dal Provînçù isch la Façadâ Mic'háglh in el Cantôn LIM.
Article II — [Schixhilêts]
2.1
El drapéu dal Provînçù serà com'acest:
2.2
El slogan dal Provînçù serà Desfisetz qualsëcosâ denâ.
Article III — [Eleziuns Provînciáis]
3.1
Toct eleziuns dîn Fiôvâ sînt executadâs par scrütì secret és par els prîncipáis dal representaziun equilibradâ. Dals ödrâs stipulaziuns povent estarë afabricadâs par el legeu provînciál.
Article IV — [Executïu Provînciál 1: Stanceâ és eleziun për el Capitán]
4.1
El pëvarë esecutorxheu dîn Fiôvâ isch exerciçat par ün Capitán, electescù par el popul total és cunfirmescù par el Cunstavál. El Capitán së stanceâ ultimarha cadascù Calondâ Gün, eda pü frü in gCauçâ da resigñhaziun eda par üna votâ d'aucün confiençù par l'Aßemblátx Xhenerál.
4.2
Eleziuns pr'iens noveu Capitán serent conduçadâs în el mes da Mai. Schi l'ôifisch zevenadra vacînt tëschënt la Calondâ Gün és la Calondâ Schevráglh, ünâ eleziun pr'iens noveu Capitán serà conduçadâ prontu ospréi tál vacînçù ariça.
Article V — [Executïu Provînciál 2: Capitán Actînd]
5.1
Quândsevol l'ôifisch del Capitán zevenadra vacînt, el Constavál pût apüntar ün Capitán Actînd për perservar txuscâ la proximâ eleziun. Failînd acest, schi ja'iens Capitán Deputat, aceastâ perziun zevenarha el Capitán Actînd txuscâ ün Capitán Actînd estadra apüntescù eda txuscâ la proximâ eleziun. Toct stipulaziuns d'aceastâ Constituziun regardeascu el Capitán aplichent àl Capitán Actînd.
Article VI — [Executïu Provînciál 3: Governamáintsch]
6.1
El Capitán pût zelegar iñen pëvarën esecutorxheux àls Ministreux Provînciáis. Els Ministreux sînt copteschti par el capitán és cunfirmeschti par el Cunstavál. Els Ministreux sînt gregadamînt és individuálmînt rëspunçiváis à és povent estarë fireschti par el Capitán és l'Aßemblátx Xhenerál. El Capitán és els Ministreux sînt sapeschti gregadamînt com'el "Governamáintsch."
Article VII — [L'Aßemblatx Xhenerál]
7.1
El pëvarë lexhislatïu în Fiôvâ isch exerciçat par l’Aßemblátx Xhenerál da toct dels citaxhiêns. L’Aßemblátx serà conduçat par ün Túischac'h qi’st electescù par l’Aßemblátx. Ün Túischac'h noveu serà electescù iñentîmp l’ôifisch c’è vacînt.
Article VIII — [L'Araßadâ del Päts]
8.1
El pëvarë xhüdësch isch exerciçat par ünâ Araßadâ del Päts, qi qomsista viens eda pü cadìns qi sînt copteschti par el Cunstavál és aproveschti par l’Aßemblátx Xhenerál, come és quând c’è neceßár. Las zeciziuns del Landsdoom povent estarë apialadâs àls Corts del Regipäts.
Article IX — [Precedençù del Legeu]
9.1
El Legeu Provînciál qomsista (în l’uôrden da precedençù) el Legeu Orgänic del Regipäts Talossan, els legeux del Ziu Naziunal (salvâ în las facendâs qi sînt reservadâs àls provîncùns), aceastâ Constituziun, els legeux validats për l’Aßemblátx Xhenerál, las zeciziuns del Landsdoom, és els Cománds Esecutorxheux. Els Cománds Esecutorxheux sînt emestats par el Cunstavál in la nôminâ del Governamáintsch es fost estarë cünsigñhats par el Capitán. Os fossent estarë renverçats par l’Aßemblátx Xhenerál.
Article X — [Amendamáintschen]
10.1
Dels amendamáintschen à’ceastâ Constituziun resquirent üna maxhorità da doua tierçéux în l’Aßemblátx Xhenerál. Toct ödreux legeux resquirent üna maxhorità simpil për estarë apraviats àl Cunstavál për la zifamaziun.
Article XI — [Secretár d'Estat]
11.1
Las eleziuns és el entretién del müstáir del governamáintsch provînciál és dals eleziuns sînt conduçadâs par ün Secretár d'Estat, qi'st electescù és firescù par el Aßemblátx Xhenerál. Schi aucün Secretár d'Estat isch apîntescù, el Túischac'h conduçarha acestilor devéirs.
Article XII — [Natür dals ráisnâs és votâs]
12.1
Toct dals ráisnâs és votâs del Aßemblátx Xhenerál sînt püblici salvâ în la cauça dal sigürità naziunál eda provînciál, eda cuntôrt l'înformaziun perziunál és amparmaloûr.
Article XIII — [Deputats]
13.1
Cadascù uficiéir qi'st nominat sub aceastâ Constituziun pût coptar ün Deputat për rompliar sieux funziuns în gCauçâ d'ausînçù, eda për actar com'iens remplaçînd proviziunál în gCauçâs da resigñhaziun eda remandaziun. Iñen uficiéir qi'st nominat sub aceastâ Constituziun serà considerat ausînt schi failarha à cunfirmar sieu presençù àl Aßemblátx Xhenerál da dîn seifet (7) ziuâs del estînd clamescù për façarh så.