Sür Acest Nic'ht

par Regeu Ián I

Ensemblâ cîntadrent las muotâs, ès rexhôiçadrent las montagñhâs;
ensemblâ saltadrent las astrâs, ès celevradrent els nivôis!
Parç që tent el cir sür acest nic'ht nascat frumoasité,
ès sür acest nic'ht tienent els çéux piovat justiciâ.
Sür acest nic'ht tienent merþedes ès vrätsità rencontrat,
ès sür acest nic'ht tienent la Tzarâ ès el Çéu esteschti recunçilats.
Toct voi popuis, Txüfs ès Eþnicáis, rexhôiçetz!
Toct voi Cestoûrs, estetz alerêtzs; toct voi Ertéiers, estetz laetapúnts!
Parç që sür acest nic'ht isch nascat Qi qissen saxheçâ isch avînt els mundeux,
parç që tent el Creatéir, avetz els uglhen d’iens idilì, Sieu creaziun risguardat,
sür acest nic'ht