View source for La Camina Q'esteva Non Preindada

''Par Robert Frost (Glheþinat par [[Hooligan|Ma la Mha, Baron Tepistà]])''

Doua caminas ziverxhevent in'iensa selva vermel<br />
Es coitat qe non voiatxadréu sür l'embù<br />
Es estadréu viens voiatxeir, lung ficheveu<br />
Es risguardeveu à viens sa luegn qe povadréu<br />
Aduve ça se tirneva ainciün la cepa;<br />

Nhoi preindeveu l'altra, come pariliteir bela,<br />
Es tignova salacor el miglhor revindic,<br />
Parç qe ça füt þervös es manc'heva l'anilita;<br />
Ivenðo per la paßaziun là<br />
Lor tignova anilitat abúec'ht el mismeu,<br />

Es l'embù acest morgun pariliteir mostrevent<br />
In listopätsilor qe aucün päç tignova negriçat.<br />
Oho, guardeveu el prüm per 'n altra ziua!<br />
Ischù parç qe eu säps com'iens vej ducia à'iens vej,<br />
Duviteveu schi txamáis revenadréu.<br />

Nararhéu d'acest cün 'n sospir<br />
Qualse'pläts ageux es ageux daincets:<br />
Doua caminas ziverxhevent in'iensa selva, es eu —<br />
Eu prindeveu l'iensa la mhíus voiatxada,<br />
Es acest tignova fäts toct la ziferençù.<br />


[[Category:Glheþ]] [[Category:Literature]]