Law:The Talossification of the Penguins Act
40RZ3 — El Praxel dal Talossificaziun dels Péngös
TANDI QE eftir el Legeu Orgänic, el glheþ Talossan isch el glheþ uficial d'ár naziun, es
TANDI QE acest non sembla àð estarh respectat, des'chind muitas nóminas uficiais in Talossa sint in altreux glheþen, ordvart l'Angleasca, es
TANDI QE acest isch la cauça in la Teritoria Antarctic da Péngöpäts, las schiras da qi sint nominat in el glheþ Angleasca, es
TANDI QE las nóminas d'acestilor schiras povent estarh glheþinadas, nun
PER ACEASTA RAZIUN el Ziu perventüra zesclara qe las schiras da Pengöpäts säpeschti come Coldstrand, Evaniana, es Uttersouth, non solamint el capital Teritorial, nun tiennent las formas Talossaes uficiais, respemint: Platxafred, Adiensiana, Sudurbenia, es Schembiança. Las formas non-Talossaes povent estarh uçadas par acestilor qi non sint famiglhaes avetz el glheþ Talossan, ívenðo el Ziu encoraxha toct citaxhiens Talossaes àð uçarh las formas Talossaes com'iens vej d'ostensarh la respectù es l'admiraziun per ár glheþ undervar es ár naziun grült.
Uréu q'estadra sa:
Iustì Canun (Senator, Maricopa)
